TÜRKPA Katibliyinin faciəvi təyyarə qəzası ilə əlaqədar başsağlığı mesajı

Türk Dövlətləri Parlament Assambleyasının Katibliyi Qazaxıstanın Aktau şəhəri yaxınlığında baş vermiş Bakı-Qroznı reysi ilə uçuş həyata keçirən "Azərbaycan Hava Yolları"na məxsus təyyarənin faciəvi qəzası nəticəsində insan tələfatı ilə bağlı faciəli xəbəri dərin kədər hissi və hüznlə qarşıladı. Düşüncələrimiz və dualarımızla bu dağıdıcı hadisədən zərər çəkənlərin yanında olduğumuzu ifadə edirik. Bu faciəli hadisədən zərər çəkmiş bütün ölkələrin xalqlarına və həlak olanların ailələrinə başsağlığı verir, yaralıların tezliklə şəfa tapmasını diləyirik.