Жаңа жылға орай Бас хатшының құттықтау хаты

Түркі мемлекеттерінің Парламенттік Ассамблеясының (ТҮРКПА) Халықаралық хатшылығы атынан және жеке өз атымнан Түркі әлеміне және барша халықтарға 2026 Жаңа жылының келуімен шынайы құттықтауларымды жеткізуді өзіме мәртебе санаймын. Өткен жыл ортақ құндылықтарымыздың, өзара қолдаудың және ынтымақтастық рухының маңызын тағы да айқын көрсетті. Мемлекет басшыларының стратегиялық көзқарасы мен Түркі мемлекеттері ұйымының тарихи шешімдерін басшылыққа ала отырып, ТҮРКПА парламентаралық диалогты нығайту, құқықтық үйлесімділікті ілгерілету және Түркі әлемі аясында парламенттік дипломатияны тереңдету жөніндегі өз миссиясын дәйекті түрде жалғастырды. Біз мүше, байқаушы және әріптес парламенттердің қосқан үлесі мен жоғары жауапкершілігін ерекше бағалаймыз. Ғасырлар бойы қалыптасқан достық, мәдени жақындық және ынтымаққа негізделген бірлескен күш жігеріміз ынтымақтастықтың жаңа мүмкіндіктерін қалыптастыруға және қызметіміздің аясын кеңейтуге жол ашты. 2026 жылға қадам баса отырып, ТҮРКПА өзара құрмет пен ортақ мұраттарға негізделген ынтымақтастықты дамытуға берік ниетті. Бірлік пен табандылықты, болашаққа бағдарланған ұстанымды басшылыққа ала отырып, біз парламенттік дипломатияның рөлін одан әрі нығайтып, өңірлік және жаһандық деңгейде халықтарымыздың ортақ мүдделерін қорғауды жалғастырамыз. Барша халықтарға бейбітшілік, өркендеу және тұрақты ілгерілеу тілеймін. Алдағы жыл барлық елдерімізге жаңа серпін, үйлесім мен табыс әкелсін, ал TÜRKPA Түркі әлеміндегі достық пен ынтымақтастықтың берік көпірі ретіндегі өз рөлін одан әрі күшейте берсін.
**Елші Рамил Хасан** Түркі мемлекеттерінің Парламенттік Ассамблеясының (ТҮРКПА) Бас хатшысы