ТҮРКПА Бас хатшысының Түркия Республикасының Республика күніне орай мәлімдемесі
Күн
Көрілім
71
Түркі мемлекеттерінің Парламенттік Ассамблеясының (ТҮРКПА) Халықаралық хатшылығы атынан және жеке өз атымнан Түркия Республикасының Үкіметі мен бауырлас халқын 29 қазанда атап өтілетін Республика күнімен шын жүректен құттықтауды зор мәртебе санаймын.
Республика күні 1923 жылы Түркия Республикасының жариялануына арналған тарихи мереке болып табылады. Бұл күн ұлттық бірлік, тәуелсіздік пен ынтымақтастықтың берік құндылықтарын, сондай-ақ түрік халқының сындарлы диалог пен дипломатиялық өзара іс-қимыл арқылы бейбітшілікті, тұрақтылықты және халықаралық ынтымақтастықты нығайтуға деген ұдайы ұмтылысын айшықтайды.
Түркия Республикасының түркі мемлекеттері арасындағы байланыстарды нығайтуға және өзара ынтымақтастық пен бірлікті дамытуға қосып отырған елеулі үлесін жоғары бағалай отырып, ТҮРКПА Түркі әлемінің игілігі жолында ынтымақтастықты одан әрі тереңдетуге және ортақ мақсаттарымызға қол жеткізуге деген берік бейілділігін тағы да растайды.
Осы айтулы мерекеге орай Түркия Республикасының Үкіметі мен бауырлас халқына бейбітшілік, өркендеу, амандық және алдағы уақытта да толағай табыстар тілеймін.
Елші Рамиль Гасан
ТҮРКПА Бас хатшысы
