ТҮРКПА Бас хатшысының Қырғыз Республикасының Дипломатиялық қызмет күніне орай мәлімдемесі
Күн
Көрілім
56
Түркі мемлекеттерінің Парламенттік Ассамблеясының (ТҮРКПА) Халықаралық хатшылығы атынан және жеке өз атымнан Қырғыз Республикасының дипломаттарын Дипломатиялық қызмет күнімен шын жүректен құттықтаймын.
Осы атаулы күнге орай қырғыз дипломаттарының жоғары кәсібилігін, өз ісіне деген адалдығын, сондай-ақ елінің сыртқы саяси басымдықтарын ілгерілетуге, халықаралық байланыстарын нығайтуға және мемлекеттер арасындағы сындарлы диалог пен өзара түсіністікті дамытуға қосып отырған елеулі үлесін ерекше атап өткім келеді.
Бауырлас Қырғыз Республикасының түркі мемлекеттері арасындағы бірлік пен ынтымақтастықты нығайтуға қосып отырған үлесін жоғары бағалай отырып, ТҮРКПА Түркі әлемінің игілігі жолында өзара ынтымақтастықты одан әрі тереңдетуге және ортақ мақсаттарымызға қол жеткізуге деген берік бейілділігін тағы да растайды.
Қырғыз Республикасының дипломаттарына кәсіби қызметтерінде толағай табыстар, елінің мүдделерін ілгерілету және халықаралық ынтымақтастықты нығайту жолындағы маңызды миссияларын жүзеге асыруда зор жетістіктер тілеймін.
Елші Рамиль Гасан
ТҮРКПА Бас хатшысы
