ТҮРКПА Бас хатшысының Әзербайжан Республикасының Тәуелсіздігін қалпына келтіру күніне орай мәлімдемесі
Күн
Көрілім
4
Түркі мемлекеттерінің Парламенттік Ассамблеясының (ТҮРКПА) Халықаралық хатшылығы атынан және жеке өз атымнан Әзербайжан Республикасының халқы мен басшылығын 18 қазанда атап өтілетін Тәуелсіздігін қалпына келтіру күнімен шын жүректен құттықтаймын.
Бұл тарихи күн әзербайжан халқының мызғымас ерік-жігерін, бірлігін, сондай-ақ өз мемлекеттілігін, ұлттық бірегейлігін және егемендік құқықтарын қорғауға деген берік ұстанымын айшықтайды.
Ел басшылығының көреген саясатының нәтижесінде Әзербайжан Республикасы мемлекеттілігін нығайту, орнықты дамуды ілгерілету, аумақтық тұтастығын қалпына келтіру, сондай-ақ халықаралық аренадағы орны мен беделін нығайту жолында елеулі жетістіктерге қол жеткізді.
Осы айтулы мерекеге орай ТҮРКПА-ның өзара тығыз ынтымақтастықты одан әрі нығайтуға және елдеріміздің ортақ мақсаттарын ілгерілетуге деген берік бейілділігін тағы да растаймын. Бауырлас Әзербайжан халқына баянды бейбітшілік, бақ-береке және одан әрі өркендеу мен ілгерілеу тілеймін.
Елші Рамиль Гасан
ТҮРКПА Бас хатшысы
