ТҮРКПА Хатшылығының Ходжалы геноцидін еске алу күніне орай мәлімдемесі

Отыз төрт жыл бұрын, 1992 жылғы 25–26 ақпанға қараған қаралы түнде, заманауи тарихтағы ең ауыр қылмыстардың бірі – армян қарулы күштерінің әзербайжандық бейбіт тұрғындарға қарсы адам айтқысыз қатыгездікпен жасаған Ходжалы қырғыны орын алды. Сол түні жүздеген әзербайжандық бейбіт тұрғындар аяусыз қырғынға ұшырап, көптеген басқа адамдар – әйелдер, балалар және қарттар – тұтқынға алынды.

Арада уақыт өтсе де, Ходжалы қасіретінің жарасы жазылған жоқ. Кінәсіз жандардың қыршын кеткені туралы естелік адамзаттың ортақ санасында терең сақталып, олардың тартқан азабы мен қасіретін мәңгі еске салады.

ТҮРКПА Ходжалы қырғынының құрбандарын терең құрметпен еске алады, олардың рухына мәңгілік тыныштық тілеп, Әзербайжан халқы мен мемлекетімен өзінің беріктігі мен ынтымақтастығын тағы да растайды. Біз кінәсіз жандардың өмірін жалмаған бұл жантүршігерлік қылмысты қайтадан қатаң айыптаймыз.