ТҮРКПА Хатшылығының Ходжалы геноцидін еске алу күніне орай мәлімдемесі
Күн
Көрілім
112
Арада 33 жыл өтсе де, Ходжалы геноцидінің азабы ұмытылмай, зардабы сейілген жоқ. Адамзатқа қарсы осынау жантүршігерлік қылмыста айуандықпен қырғынға ұшыраған әрбір жазықсыз азаматты еске алу біздің жүрегімізде жазылмаған жара болып қала береді.
1992 жылы ақпанның 25-інен 26-сына қараған түні Армения қарулы күштерінің әзербайжандық бейбіт тұрғындарға жасаған қиянатының салдарынан жүздеген жазықсыз Әзербайжан азаматтары аяусыз қырылды. Құрбан болғандардың арасында әйелдер, балалар мен қарттар болып, сол қасіретті түнде көптеген Ходжалы тұрғындары тұтқынға айналды.
ТҮРКПА отбасы ретінде біз Ходжалы геноцидінің құрбандарын еске алып, олардың мәңгілікте жан тыныштығын тілейміз. Осы мүмкіндікті пайдалана отырып, біз Әзербайжан халқымен және мемлекетімен мызғымас ынтымақтастығымызды тағы да растаймыз.
