ТҮРКПА Хатшылығы Әзербайжандағы аза тұту күніне байланысты туларын жартылай түсірді

ТҮРКПА Хатшылығы Әзербайжан халқының қайғысына ортақтасып, Әзербайжан Республикасының Президенті Ильхам Әлиевтің Жарлығымен Қазақстанның Ақтау қаласының маңында Баку-Грозный рейсін орындаған ұшақтың апатқа ұшырауы салдарынан адамдардың қаза тапқанына байланысты 2024 жылғы 26 желтоқсан аза тұту күні болып жарияланғандықтан туларын жартылай түсірді. ТҮРКПА осы қайғылы және ауыр қазадан зардап шеккен Әзербайжан Республикасының халқы мен басшылығына, сондай-ақ барлық елдердің халықтарына қайғыларына ортақтасып, көңіл айтады. Осы азалы сәтте ТҮРКПА қайғылы қазаларға күйзеліп, жазатайым оқиғада қаза тапқандардың отбасыларына қайғыларына ортақтасып, зардап шеккендердің тезірек сауығып кетуін тілейді.