ТҮРКПА Бас хатшысының Түркі тілдері отбасының дүниежүзілік күніне орай жолдаған үндеуі

Бүгін, 15 желтоқсан күні, Түркі әлемі ЮНЕСКО Бас конференциясының Самарқанд қаласында өткен 43-сессиясында 2025 жылғы 3 қарашада ресми түрде жарияланған «Түркі тілдері отбасының дүниежүзілік күнін» атап өтеді. Бұл атаулы күн түркі тілдерінің терең әрі бай мәдени мұрасын және Түркі халықтарының ортақ бірегейлігін, құндылықтары мен тарихи сабақтастығын нығайтудағы олардың біріктіруші рөлін айқын көрсетеді. ЮНЕСКО тарапынан осы күннің ресми түрде мойындалуы Түркі әлемінің халықаралық деңгейде барған сайын кеңінен танылып келе жатқанын, сондай-ақ жаһандық мәдени алуандық пен өркениетаралық диалогқа ұзақ жылдар бойы қосып келе жатқан үлесін дәлелдейді. Түркі мемлекеттерінің Парламенттік Ассамблеясының (ТҮРКПА) Халықаралық хатшылығы атынан және жеке өз атымнан осы маңызды күні барлық мүше және байқаушы мемлекеттерді шын жүректен құттықтаймын. Сонымен қатар Түркі халықтарының баға жетпес тілдік мұрасын сақтау, оны одан әрі байыту және ілгерілету ісіне жан-жақты қолдау көрсету жөніндегі ТҮРКПА-ның берік әрі мызғымас ұстанымын тағы да қуаттаймын.
**Елші Рамил Хасан** ТҮРКПА Бас хатшысы