ТҮРКПА Бас хатшысының Қырғыз Республикасының Тарих және ата-бабаларды еске алу күндеріне орай мәлімдемесі
Күн
Көрілім
2
Жыл сайын 7 және 8 қарашада Қырғыз Республикасында Тарих және ата-бабаларды еске алу күндері атап өтіледі. Бұл күндері қырғыз халқының ұлттық бірегейлігін, бостандығы мен мемлекеттілігін сақтап қалуға өлшеусіз үлес қосқан, тарихтың ауыр сынақтарын бастан өткеріп, ерлік пен жанқиярлық танытқан ата-бабалардың рухына тағзым етіледі.
Аталған атаулы күндер ұлттың тарихи мұрасын сақтаудың, өткен ұрпақтардың рухына құрмет көрсетудің және олардың мұрасын келер ұрпаққа жеткізудің маңыздылығын айқындай түседі.
ТҮРКПА қырғыз халқының бай тарихи және мәдени мұрасын түркі әлемінің ортақ мұрасының ажырамас бөлігі ретінде сақтаудың маңыздылығын атап өтіп, бауырлас қырғыз халқының тарихының қалыптасуына өмірі мен еңбегі арқылы үлес қосқан барша азаматтардың рухына тағзым етеді.
Елші Рамиль Гасан
ТҮРКПА Бас хатшысы
