ТҮРКПА Бас хатшысының Қазақстан Республикасының Дипломатиялық қызмет күніне орай мәлімдемесі
Күн
Көрілім
60
2 шілдеде Қазақстан Республикасында Дипломатиялық қызмет күні атап өтіледі.
Бұл кәсіби мереке Қазақстан дипломаттарының адал еңбегіне, жоғары кәсібилігіне және абыройлы қызметіне көрсетілетін құрметтің айқын көрінісі болып табылады. Олардың қажырлы қызметі елдің сыртқы саяси басымдықтарын ілгерілетуге және халықаралық ынтымақтастықты нығайтуға зор үлес қосып келеді.
ТҮРКПА Халықаралық хатшылығының атынан және өз атымнан Қазақстан Республикасының дипломаттарын және дипломатиялық қызметтің барлық өкілдерін шын жүректен құттықтаймын. Оларға өздерінің аса жауапты миссиясын атқаруда толағай табыс, ал бауырлас Қазақстан халқына бейбітшілік, өркендеу және бақ-береке тілеймін.
Елші Рамиль Гасан,
ТҮРКПА Бас хатшысы
