ТҮРКПА Бас хатшысының Наурыз мерекесі мен Ораза Айтына орай құттықтау үндеуі

Түркі мемлекеттерінің Парламенттік Ассамблеясының (ТҮРКПА) Халықаралық Хатшылығы атынан және жеке өз атымнан бауырлас түркі мемлекеттеріндегі, сондай-ақ бүкіл мұсылман әлеміндегі ағайындарға Наурыз мейрамы мен қасиетті Ораза Айтына орай шын жүректен құттықтауымды жолдаймын.

Наурыз – жаңару мен үміттің, табиғаттың қайта түлеп, жандануын бейнелейтін мереке. Ол тамыры тереңге бойлаған ортақ түркі өркениетінің көне мұрасына негізделе отырып, түркі дүниесі халықтарын бірлік, үйлесім және бауырластық сынды ортақ құндылықтар төңірегіне топтастырады. Ал Ораза Айты – рухани тазару мен кемелденудің, мейірім мен жомарттықтың қасиетті кезеңі ретінде адамдарды ізгі істер жасауға, ынтымақ, жанашырлық және өзара қолдау қағидаттарын нығайтуға үндейді.

Осы екі маңызды кезеңнің мәнді тоғысуы түркі халықтарының рухани құндылықтары бай мәдени мұраға және бірлік пен ынтымақтың мәңгілік мұраттарына негізделгенін айқын көрсетеді.

Наурыз бен Ораза Айтының асқақ рухы жүректерге ізгілік пен үміт дарытып, адамзатты бейбітшілікке, тұрақтылық пен өзара ықпалдастыққа жетелесін. Осы жарқын мерекелі күндерде барша әлем халықтарына бейбітшілік, бақ-береке және амандық тілеймін.

Елші Рамиль Гасан

Түркі мемлекеттерінің Парламенттік Ассамблеясының (ТҮРКПА) Бас хатшысы