ТҮРКПА Бас хатшысының Әзербайжан Республикасының Жеңіс күніне орай мәлімдемесі
Күн
Көрілім
49
Түркі мемлекеттерінің Парламенттік Ассамблеясының (ТҮРКПА) Халықаралық хатшылығы атынан және жеке өз атымнан бауырлас Әзербайжан халқы мен ел басшылығын Жеңіс күнімен шын жүректен құттықтаймын.
Бұл тарихи күн Әзербайжан халқының ерлігі, табандылығы мен бірлігінің, сондай-ақ елдің егемендігі мен аумақтық тұтастығын қорғауға деген мызғымас ерік-жігерінің айқын айғағы болып табылады. Ол келешек ұрпаққа шабыт беретін қайсарлық пен ұлттық ынтымақтың нышаны болып қала бермек.
ТҮРКПА Әзербайжанның түркі мемлекеттері арасындағы бірлік пен ынтымақты нығайтуға, сондай-ақ ортақ мақсаттарымызды ілгерілетуге қосып келе жатқан үлесін жоғары бағалайды.
Осы айтулы күні Әзербайжан халқына баянды бейбітшілік, бақ-береке және одан әрі өркендеу мен ілгерілеу тілеймін.
Елші Рамиль Гасан
ТҮРКПА Бас хатшысы
