ТҮРКПА Бас хатшысының Әзербайжан Республикасының Конституция күніне орай мәлімдемесі
Күн
Көрілім
0
Түркі мемлекеттерінің Парламенттік Ассамблеясының (ТҮРКПА) Халықаралық хатшылығы атынан және жеке өз атымнан бауырлас Әзербайжан халқы мен Әзербайжан Республикасының басшылығын Конституция күнімен шын жүректен құттықтаймын.
1995 жылғы 12 қарашада жалпыхалықтық референдумда қабылданған тәуелсіз Әзербайжан Республикасының Конституциясы егемендік, демократия, құқық үстемдігі, сондай-ақ адамның негізгі құқықтары мен бостандықтарын қорғау қағидаттарын бекітіп, заманауи мемлекет құрудың берік негізін қалады. Бұл тарихи құжат ел тарихындағы маңызды белес әрі Әзербайжанның тәуелсіз мемлекеттілігі мен конституциялық дамуының іргетасы болып табылады.
ТҮРКПА Әзербайжанның түркі мемлекеттері арасындағы бірлік пен ынтымақтастықты нығайтуға және ортақ мақсаттарымызды ілгерілетуге қосып келе жатқан үлесін жоғары бағалайды.
Осы айтулы мерекеге орай бауырлас Әзербайжан халқына бейбітшілік, бақ-береке және одан әрі өркендеу тілеймін.
Елші Рамиль Гасан
ТҮРКПА Бас хатшысы
