ТҮРКПА Бас хатшысының 15 шілде – Демократия және ұлттық бірлік күніне орай мәлімдемесі

15 шілде – Демократия және ұлттық бірлік күніне орай бауырлас Түркия Республикасы мен қадірлі түрік халқына шын жүректен құттықтауымды білдіремін.

2016 жылғы 15 шілдеде түрік халқы өзінің демократиялық ерік-жігерін, мемлекетін және конституциялық құрылысын табандылықпен қорғау арқылы демократияға деген мызғымас бейілділігін бүкіл әлемге паш етті. Бұл дата Түркия Республикасының берік демократиялық дәстүрінің, ұлттық бірлік рухының және халқының егемен ерік-жігерінің ең маңызды нышандарының біріне айналды.

Түркия Республикасының тұрақтылығы мен қуаты елдің өзі үшін ғана емес, ортақ тарих пен ортақ құндылықтар біріктіретін Түркі әлемі үшін де зор маңызға ие. Түркі мемлекеттерінің Парламенттік Ассамблеясы (ТҮРКПА) ретінде Түркияның Түркі мемлекеттері арасындағы ынтымақтастық пен тілектестікке қосып келе жатқан құнды үлесі ортақ мақсаттарымызды одан әрі ілгерілететінін атап өтіп, ортақ болашағымыздың игілігі жолында бірлігіміз бен ынтымағымыздың нығая беретініне шынайы үміт білдіреміз.

Осы мәні зор күні демократияны қорғау жолында қаза тапқандарды құрметпен еске алып, оларға Алладан рақым тілеймін, сондай-ақ қаһарман ардагерлерге терең ризашылығымды білдіремін. Бауырлас түрік халқын 15 шілде – Демократия және ұлттық бірлік күнімен тағы да шын жүректен құттықтаймын.

Елші Рамиль Гасан,

ТҮРКПА Бас хатшысы