Гирне жағалауында кеменің суға батуы салдарынан адамдардың қайғылы қазаға ұшырауына байланысты ТҮРКПА Бас хатшысының көңіл айту және тілектестік білдіру мәлімдемесі
Күн
Көрілім
352
Солтүстік Кипр Түрік Республикасының Гирне жағалауында кеменің суға батуы салдарынан адамдардың қайғылы қазаға ұшырағаны туралы хабарды зор күйзеліспен әрі терең қайғымен қабылдадық.
Түркі мемлекеттерiнiң Парламенттік Ассамблеясының атынан және өз атымнан қаза тапқандардың отбасылары мен жақындарына, сондай-ақ Солтүстік Кипр Түрік Республикасының Үкіметі мен бауырлас халқына қайғырып көңіл айтамын. Сонымен қатар, әлі де із-түзсіз жоғалғандардың аман-есен табылуына шынайы үміт білдіреміз. Біздің ойымыз бен дұғамыз құрбандармен және олардың отбасыларымен бірге. Марқұмдардың жатқан жері жайлы, жандары жәннатта болсын.
Осындай ауыр қайғы-қасірет кезінде біз Солтүстік Кипр Түрік Республикасының бауырлас халқымен берік тілектестігімізді білдіреміз. Осы қайғылы оқиғаның себептері мен мән-жайлары толық анықталып, қандай да бір салғырттық немесе жауапкершілік анықталған жағдайда, бұл мәселелер заңға сәйкес тиісті түрде қаралатынына сенім білдіреміз.
Елші Рамиль Гасан
ТҮРКПА Бас хатшысы
