Түркияның Болу қаласындағы қонақүйдегі өртке байланысты қайғылы оқиғаға орай ТҮРКПА Хатшылығының көңіл айту жедел хаты

Түркі мемлекеттері Парламенттік Ассамблеясының Хатшылығы Түркияның Болу қаласындағы қонақүйде болған жантүршігерлік өрт салдарынан адамдардың қаза тапқаны туралы суыт хабарды қайғыға батып, терең күйзеліспен қабылдады. Ой-сезімдеріміз бен дұға-мінәжаттарымыз осы оқиғадан зардап шеккендермен бірге. ТҮРКПА Хатшылығы қаза болғандардың отбасыларына шын жүректен көңіл айтып, зардап шеккендердің тезірек сауығып кетуін тілейді.