Түркия Республикасының Жеңіс күніне орай ТҮРКПА Бас хатшысының мәлімдемесі
Күн
Көрілім
360
Түркі мемлекеттерінің Парламенттік Ассамблеясының (ТҮРКПА) Халықаралық хатшылығының атынан және жеке өз атымнан Түркия Республикасының Үкіметі мен бауырлас түрік халқын жыл сайын 30 тамызда атап өтілетін Жеңіс күнімен шын жүректен құттықтаймын.
Бұл тарихи күн түрік халқының Ұлы шабуыл барысында қол жеткізген даңқты жеңісін дәріптеп, ерліктің, табандылықтың, бірлік пен қайсарлықтың мәңгілік нышаны болып табылады. Ол түрік халқының мұқалмас рухын және тәуелсіздік, егемендік пен ұлттық қадір-қасиет мұраттарына деген берік адалдығын айқын көрсетеді.
Түркияның өңірлік және халықаралық бейбітшілікті, тұрақтылық пен ынтымақтастықты нығайтуға қосып келе жатқан маңызды үлесін атап өте отырып, оның Түркі әлеміндегі бірлікті нығайтудағы және халықтарымыз арасындағы достық байланыстарды одан әрі бекемдеудегі белсенді рөлін жоғары бағалаймыз.
ТҮРКПА мен Түркия Республикасы арасындағы тығыз әріптестікті одан әрі тереңдетуге деген бейілдігімізді растай отырып, Түркия Республикасының Үкіметі мен бауырлас түрік халқына бейбітшілік, өркендеу және толағай табыстар тілеймін.
Елші Рамиль Гасан,
ТҮРКПА Бас хатшысы
