Түркі мәдениетінің халықаралық ұйымы (ТҮРКСОЙ) құрылған күніне орай ТҮРКПА Бас хатшысының мәлімдемесі
Күн
Көрілім
18
12 шілдеде Түркі әлемі түркі халықтарының ортақ мәдени мұрасын сақтауға және дәріптеуге, сондай-ақ Түркі мемлекеттері арасындағы мәдени ынтымақтастықты нығайтуға қызмет ететін беделді ұйым – Түркі мәдениетінің халықаралық ұйымының (ТҮРКСОЙ) құрылған күнін атап өтеді.
Құрылған сәтінен бастап ТҮРКСОЙ мәдениетаралық диалогты дамытуға, Түркі әлемінің бай мәдени мұрасын сақтауға, сондай-ақ көптеген мәдени және гуманитарлық бастамалар арқылы ынтымақты нығайтуға елеулі үлес қосып келеді. Ұйымның қызметі түркі халықтарын біріктіретін ортақ құндылықтарды, дәстүрлер мен бірегейлікті нығайтуда маңызды рөл атқарды.
Осы айтулы күнге орай ТҮРКСОЙ басшылығын, Хатшылығын және бүкіл ТҮРКСОЙ жанұясын шын жүректен құттықтаймын. Ұйымға өзінің игі миссиясын жүзеге асыруда толағай табыс тілей отырып, Түркі әлемінің игілігі жолындағы ТҮРКПА мен ТҮРКСОЙ арасындағы жемісті ынтымақтастықтың алдағы уақытта да тереңдей беретініне сенім білдіремін.
Елші Рамиль Гасан,
ТҮРКПА Бас хатшысы
