Кыргыз Республикасынын Тарых жана ата-бабаларды эскерүү күндөрү

Кыргыз элинин Тарых жана ата-бабаларды эскерүү күндөрүндө Кыргызстандын эгемендиги, өсүп-өнүгүшү үчүн башын сайып күрөшкөн белгилүү тарыхый кыргыз каармандарына таазим этебиз. Кыргыз мамлекеттүүлүгүн калыптандыруунун башатында турган, эгемендикти көксөп, өмүрүн арнаган бабаларыбыздын, ошондой эле Кыргыз мамлекетинин бүтүндүгү үчүн чек арада баатырдык менен курман болгон мекенчил жигиттерибиздин эрдиктери кыргыз элинин эсинде түбөлүк сакталат.