Azərbaycan Respublikasının Dövlət Bayrağı Günü münasibətilə TÜRKPA Baş katibinin təbrik mesajı
Tarix
Baxış
67
Türk Dövlətləri Parlament Assambleyasının (TÜRKPA) Beynəlxalq Katibliyi adından və şəxsən öz adımdan Azərbaycan xalqını və rəhbərliyini Azərbaycan Respublikasının Dövlət Bayrağı Günü münasibətilə səmimi-qəlbdən təbrik edirəm.
İlk dəfə 1918-ci ildə qəbul edilmiş Azərbaycan Respublikasının Dövlət Bayrağı ölkənin tarixi irsini, milli kimliyini və suveren dövlətçiliyini təcəssüm etdirir. Bayrağın üç rəngi türk irsinin, müasirliyin və mədəni ənənələrin dəyərlərini əks etdirərək Azərbaycan xalqının birliyini və milli qürurunu simvolizə edir.
TÜRKPA Azərbaycanın türk dövlətləri arasında birlik və həmrəyliyin möhkəmləndirilməsinə, eləcə də əməkdaşlıq və qarşılıqlı anlaşmaya əsaslanan ortaq məqsədlərin təşviqinə verdiyi davamlı töhfələri yüksək qiymətləndirir.
Bu əlamətdar gün münasibətilə Azərbaycan xalqına sülh, rifah və davamlı tərəqqi arzulayıram.
TÜRKPA Baş katibi
Ramil Həsən
