Әзербайжанның Жеңіс күні
Күн
Көрілім
122
Жоғарғы Бас қолбасшы Президент Ильхам Әлиевтің басшылығымен 44 күндік Отан соғысында даңқты Әзербайжан армиясының жеңісі бауырлас Әзербайжан халқының жігерлілігін, табандылығын және ұлттық ынтымақтастығын тағы да бір рет көрсетті. Әзербайжан өзінің аумақтық тұтастығын қалпына келтіріп, өз тарихына тағы бір ерлігін шырқайтын бет енгізді.
Даңқты Жеңіс өңірдегі орнықты бейбітшілік, тұрақтылық пен даму үшін кең мүмкіндіктер ашып, Түркі бірлігіне қосқан құнды үлесіне айналды. Тарихтың жадында мәңгі сақталған бұл даңқты Жеңіс әрқашан бүкіл Түркі әлемінің жеңісі ретінде құрметпен еске алынады.
Осы айтулы күні біз Әзербайжан халқын Жеңіс күнінің төртінші жылдығымен құттықтаймыз, бауырлас Әзербайжанның аумақтық тұтастығы үшін өз өмірлерін қиған батыр сарбаздар, шехидтердің жарқын естелігін құрметтеп, жандары жай тапқандары үшін дұға етеміз.
