Әзербайжанның Тегерандағы Елшілігіне қарулы шабуылға байланысты мәлімдеме

Түркі мемлекеттері Парламенттік Ассамблеясының Хатшылығы 2023 жылғы 27 қаңтарда Әзербайжан Республикасының Тегерандағы Елшілігіне жасалған қарулы шабуылды қатаң айыптайды. Нәтижесінде Елшіліктің қауіпсіздік бастығы қаза тауып, екі қауіпсіздік қызметкері жарақат алды. ТҮРКПА Хатшылығы бұл жантүршігерлік шабуылды мұқият тергеуге шақырып, кінәлілер жауапқа тартылады деп үміттенеді. Хатшылық бауырлас Әзербайжан халқының қайғысына ортақтасып, қайтыс болған Елшілік қызметкерінің отбасына тереңінен көңіл айтып, жарақаттанғандардың тезірек сауығып кетуін тілейді.