Әзербайжан Республикасының Қарулы Күштері күніне орай ТҮРКПА Бас хатшысының мәлімдемесі
Күн
Көрілім
248
26 маусым күні Әзербайжан Республикасы Әзербайжан Республикасының Қарулы Күштері күнін атап өтеді. Бұл күні елдің егемендігі мен аумақтық тұтастығын қалтқысыз қорғап келе жатқан әскери қызметшілердің ерлігі мен адал қызметіне құрмет көрсетіледі.
Әзербайжанның Қарулы Күштері мемлекеттіліктің қуатын, ұлттық бірлік пен отансүйгіштік рухты айшықтай отырып, бүкіл түркі әлемі үшін мақтаныш пен мерейдің нышаны болып табылады.
Осы айтулы күнге орай бауырлас Әзербайжан халқын шын жүректен құттықтап, Қарулы Күштердің барлық әскери қызметшілеріне Отан алдындағы абыройлы қызметі үшін терең құрметімізді білдіреміз.
Рамиль Гасан,
ТҮРКПА Бас хатшысы
