ТҮРКПА 2026 жылғы II Әзербайжан халықаралық инвестициялық форумына қатысты

2026 жылғы 25–26 қыркүйекте Баку қаласында өткен II Әзербайжан халықаралық инвестициялық форумы – 2026 жұмысына ТҮРКПА-ның Қоршаған орта, табиғи ресурстар және денсаулық сақтау комиссиясының хатшысы Айнура Абуталибова қатысты.

Әзербайжан Республикасы Экономика министрлігі, Әзербайжанның Экспортты және инвестицияларды ілгерілету агенттігі (AZPROMO), сондай-ақ The European House – Ambrosetti және TEHA Group ұйымдарының бірлесіп ұйымдастыруымен, Әзербайжан Республикасының Президенті Жоғары Мәртебелі Ильхам Әлиевтің қамқорлығымен өткен Форум Әзербайжаннан және шетелдерден үкіметтердің, халықаралық ұйымдардың, қаржы институттарының, бизнес-қоғамдастықтар мен инвесторлардың жоғары деңгейдегі өкілдерін біріктірді.

Форум барысында инвестициялық мүмкіндіктер, қосылған құны жоғары өнеркәсіптік жобалар, инфрақұрылым, орнықты даму, технологиялар, логистика, энергетикалық өзара байланыстылық пен жасыл трансформация, сондай-ақ қоршаған орта мен климаттың өзгеруіне байланысты сын-қатерлер талқыланды.