2023 жылдың 13 мамырында Түркиядағы президенттік сайлау мен жалпы парламенттік сайлауды бақылау процесіне қатысқан ТҮРКПА Сайлауды бақылау миссиясы Түркия Республикасының Жоғарғы сайлау кеңесінің (ЖСК) Төрағасы Ахмет Йенермен кездесті.

Кездесу барысында ТҮРКПА бақылаушылары сайлауға дайындық барысы және олардың негізгі ерекшеліктері туралы хабардар етілді. ЖСК Төрағасы сайлау жүйесі мен сайлау әкімшілігі туралы хабардар етіп, Миссия мүшелерінің сұрақтарына жауап берді.

Миссия Түркия Республикасының сайлау өткізудегі бай тәжірибесін атап өтіп, алдағы сайлауды өткізуде табыс тіледі.