2023 жылғы 20 наурызда Түркияның Ұлы Ұлттық Жиналысының депутаты Режеп Шекер бастаған ТҮРКПА Сайлауды бақылау жөніндегі миссиясы өзінің бақылау бағдарламасы аясында Қазақстан Республикасы Сыртқы істер министрінің орынбасары Қанат Тұмышпен кездесті.
Қазақстан тарихындағы маңызды оқиға ретінде демократиялық сайлаудың өткізілуін атап өтіп, Тұмыш мырза Миссия мүшелеріне кезектен тыс парламенттік сайлаудың мониторингі процесіне белсенді қатысқаны үшін алғысын білдірді. Тұмыш мырза Түркі мемлекеттері арасындағы ынтымақтастықты нығайтудың маңыздылығын атап өтті және осы тұрғыда Қазақстан Түркі әлеміндегі интеграциялық процестерге өз үлесін қосатынын білдірді.
Өз кезегінде Миссия мүшелері сайлаудың сәтті өтуімен құттықтады.
Тараптар Ассамблея аясындағы ынтымақтастық туралы пікір алмасты.
