ТҮРКПАнын Айлана чѳйрѳ жана табигый ресурстар боюнча Комиссиясынын экинчи жыйыны 2016-жылдын 24-ноябрында Азербайжан Республикасынын Милли Мажлисинин колдоосу астында өттү. Катышуучулар жолугушуунун "Глобалдык Климаттын Өзгөрүшү: ТҮРКПАга мүчө мамлекеттер үчүн себептер жана кесепеттер" темасын талкуулашты. Жыйынга Азербайжан, Казакстан, Кыргызстан жана Түркиядан келген парламент депутаттары, ошондой эле Түркиянын кызматташуу институттарынын жана биргелешкен уюмдардын өкүлдөрү катышты.

Жыйынды Комиссиянын төрагасы жана ТҮРКПАнын Азербайжан делегациясынын мүчөсү Ахлиман Амирасланов жетектеди. A. Амирасланов өз сөзүндө климаттын өзгөрүшүнүн бардык өлкөлөргө тийгизген таасирин эске алуу менен маселенин маанилүүлүгүн баса белгиледи. Ал ТҮРКПАнын алкагында климаттын өзгөрүшү боюнча кызматташуу Комиссиянын күн тартибиндеги артыкчылыктуу маселе экендигин белгилеп, экологиялык көйгөйлөргө жамааттардын өзгочө маани берүүсү зарылдыгын белгиледи.

ТҮРКПАнын Айлана чѳйрѳ жана табигый ресурстар боюнча Комиссиясынын төрагасынын орун басары, Түркия Улуу Улуттук Жыйынынын депутаты Фейзуллах Кыйыклык мырза климаттын өзгөрүшү бүткүл дүйнөгө таасир этип жаткандыктан, мүчө өлкөлөр мындай экологиялык көйгөйлөрдү чечүү үчүн күч-аракеттерин бириктириши керектигин баса белгиледи. Кыйыклык мырза жыйынтыктоочу отчетту айлана-чөйрөнү коргоо жаатындагы эксперттер менен кеңири иштеп чыгып, ТҮРКПАга мүчө өлкөлөрдүн жогорку окуу жайларына тапшырууну сунуш кылды.

Кыргыз Республикасынын Жогорку Кеңешинин депутаты Музаффар Исаков мырза глобалдашкан дүйнөдө Түрк мамлекеттеринин ортосундагы кызматташтыкты чыңдоонун маанилүүлүгүн белгиледи.

Парламенттердин өкүлдөрү мүчө өлкөлөрдөгү климаттын өзгөрүшүнө каршы улуттук деңгээлде көрүлүп жаткан чаралар жөнүндө кыскача маалымат берип, бул жаатта биргелешкен иш-аракеттердин перспективалары жөнүндө пикир алмашышты.

Комиссиянын мүчөлөрүнө Азербайжан Республикасынын Экология жана жаратылыш ресурстары министринин орун басары Фирдовси Алиев мырза Азербайжандын айлана-чөйрөнү коргоо жаатындагы улуттук саясаты жөнүндө маалымат берди. Ал белгилегендей, Экология жана жаратылыш ресурстары министрлиги 2001-жылы улуттук лидер Гейдар Алиевдин демилгеси менен айрым аймактарда комплекстүү экологиялык саясатты ишке ашыруу максатында түзүлгөн. Министрдин орун басары айлана чөйрөнү коргоо боюнча республикалык деңгээлде 45ке жакын мыйзам актыларынын кабыл алынгандыгы жөнүндө маалымат берди. Ал белгилегендей, эгемендүүлүктүн алгачкы жылдарында Азербайжандын 4,5% аймагы корголгон, бирок бүгүнкү күндө бул көрсөткүч токой аянттарынын 10,5% жана 12% түзөт. Анын айтымында, Азербайжан токойлордун кыйылышын алдын алуу менен олуттуу алектенип жаткан өлкөлөрдүн бири.

Комиссиянын отчету жана сунуштаманын чечими ТҮРКПАнын жетинчи пленардык сессиясына сунуштоо үчүн жактырылды.

Комиссиянын кийинки үчүнчү отурумун 2017-жылы Астана шаарында өткөрүү пландалууда. Кийинки жолугушуу Казакстан Республикасынын Парламентинин депутаты Алия Сапарованын сунушу боюнча Астана ЭКСПО-2017 эл аралык көргөзмөсүнүн алкагында жаңылануучу энергия булактарын жана экологиялык таза технологияларды өнүктүрүүгө арналган.