ТҮРКПАнын Башкы катчысынын Азербайжан Республикасынын Конституция күнүнө карата кайрылуусу
Дата
Көрүү
35
Түрк Мамлекеттердин Парламенттик Ассамблеясынын (ТҮРКПА) Эл аралык Катчылыгынын атынан жана жеке өзүмдүн атымдан бир тууган Азербайжан элине жана Азербайжан Республикасынын жетекчилигине Конституция күнүнө карата чын жүрөктөн куттуктоолорумду жолдойм.
1995-жылдын 12-ноябрында жалпы элдик референдум аркылуу кабыл алынган көз карандысыз Азербайжан Республикасынын Конституциясы заманбап мамлекет куруунун негизин түзүп, эгемендүүлүк, демократия, укук үстөмдүгү жана адамдын негизги укуктары менен эркиндиктерин коргоо принциптерин бекемдеди. Ал өлкөнүн тарыхындагы маанилүү бурулуш жана анын көз карандысыз мамлекеттүүлүгүнүн жана конституциялык өнүгүүсүнүн бекем пайдубалы болуп саналат.
ТҮРКПА Азербайжандын түрк мамлекеттердин ортосундагы биримдикти жана ынтымакты чыңдоого жана биздин жалпы максаттарыбызды илгерилетүүгө кошкон үзгүлтүксүз салымын жогору баалайт.
Ушул маанилүү күнү боордош Азербайжан элине тынчтык, бакубатчылык жана мындан аркы өнүгүү каалайм.
Элчи Рамил Хасан
ТҮРКПАнын Башкы катчысы
