ТҮРКПА қызметі туралы ақпарат алу үшін бізді әлеуметтік желілерде қадағалаңыз

ТҮРКПА қызметі туралы ақпарат алу үшін бізді әлеуметтік желілерде қадағалаңыз

Әлеуметтік желі
ТҮРКПА Бас хатшысының ТҮРКПА-ның құрылғанына 18 жыл толуына орай мәлімдемесі

ТҮРКПА Бас хатшысының ТҮРКПА-ның құрылғанына 18 жыл толуына орай мәлімдемесі

Күн
Көрілім
63

Түркі мемлекеттерінің Парламенттік Ассамблеясының (ТҮРКПА) Халықаралық хатшылығы атынан және жеке өз атымнан ТҮРКПА-ның құрылғанына 18 жыл толуына орай құрметті парламент төрағаларын, парламент депутаттарын, мүше және байқаушы делегациялардың өкілдерін, сондай-ақ Ассамблеяның дамуына үлес қосқан барша тұлғаларды шын жүректен құттықтаймын.

2008 жылғы 21 қарашада Ыстанбұл қаласындағы Долмабахче сарайында Әзербайжан, Қазақстан, Қырғызстан және Түркия парламенттерінің төрағалары қол қойған Келісім негізінде құрылған ТҮРКПА түркі мемлекеттері арасындағы ынтымақтастықтың парламенттік бағытын нығайту жөніндегі ортақ пайымға негізделді.

2009 жылы Баку қаласында өткен алғашқы пленарлық отырысынан бері Ассамблея халықтарымызды біріктіретін ортақ тарихи, мәдени және тілдік байланыстарды нақты ынтымақтастық пен тұрақты институционалдық диалогқа ұластыра отырып, парламенттік дипломатияның маңызды алаңына айналды.

Өткен жылдар ішінде ТҮРКПА парламентаралық ынтымақтастықты нығайтуда, ұлттық заңнамаларды жақындастыруға жәрдемдесуде және өзара мүдделілік тудыратын салаларда үлгілік заңдар әзірлеуде маңызды рөл атқарды. Өзінің институционалдық тетіктері, сайлауды байқау миссиялары, сондай-ақ өңірлік және халықаралық парламенттік ұйымдармен өзара іс-қимылы арқылы Ассамблея Түркі әлеміндегі парламенттік диалог пен ынтымақтастықтың одан әрі дамуына ықпал етті.

ТҮРКПА-ның құрылғанына 18 жыл толуына орай біз оның негізін қалаушы мүшелерінің көрегендігі мен өз ісіне адалдығына, парламент төрағаларының тұрақты қолдауына, сондай-ақ Ассамблеяның институционалдық дамуына үлес қосқан барлық парламент депутаттары мен өкілдерінің қажырлы еңбегіне жоғары баға береміз.

ТҮРКПА парламенттік ынтымақтастық пен өзара қолдауды одан әрі нығайтуға, түркі мемлекеттері арасындағы ынтымақтастықты тереңдетуге, сондай-ақ парламенттік дипломатия арқылы өңірде және одан тыс жерлерде бейбітшілікке, тұрақтылық пен орнықты дамуға үлес қосуға берік ұстанымын сақтайды.

Барлық мүше парламенттердің тұрақты қолдауы мен ынтымақтастығының арқасында ТҮРКПА қол жеткізген жетістіктерін одан әрі дамытып, Түркі әлеміндегі бірлік пен ынтымақтастықты нығайту жолындағы өзінің маңызды рөлін одан әрі атқаратынына кәміл сенемін.

Елші Рамиль Гасан

ТҮРКПА Бас хатшысы