ТҮРКПА Бас хатшысының Әзербайжан Республикасының Ұлттық жаңғыру күніне орай мәлімдемесі
Түркі мемлекеттерінің Парламенттік Ассамблеясының (ТҮРКПА) Халықаралық хатшылығы атынан және жеке өз атымнан бауырлас Әзербайжан халқы мен Әзербайжан Республикасының басшылығын Ұлттық жаңғыру күнімен шын жүректен құттықтаймын.
17 қарашада атап өтілетін бұл айтулы күн ұлттық сананың оянуындағы маңызды белеске айналған, Әзербайжан халқының бостандыққа, қадір-қасиетін қорғауға және өз тағдырын өзі айқындауға деген ұмтылысының күшеюімен ерекшеленген 1988 жылғы оқиғаларды еске салады. Бұл оқиғалар елдің қазіргі заман тарихындағы бетбұрысты кезеңге айналып, ұлттық бірлік рухын нығайтты және Әзербайжанның тәуелсіздігін қалпына келтіруге жол ашты.
ТҮРКПА Әзербайжан халқының мызғымас ұлттық бірлігі мен қайсар рухын бейнелейтін осы күннің тарихи маңызын жоғары бағалайды, сондай-ақ Әзербайжанның түркі мемлекеттері арасындағы ынтымақтастықты нығайтуға қосып келе жатқан үлесін ерекше атап өтеді.
Осы айтулы күнге орай бауырлас Әзербайжан халқына баянды бейбітшілік, өркендеу және одан әрі тұрақты даму тілеймін.
Елші Рамиль Гасан
ТҮРКПА Бас хатшысы