Әзербайжан Республикасының Еске алу күніне орай мәлімдеме
Күн
Көрілім
7
Түркі мемлекеттерінің Парламенттік Ассамблеясының Халықаралық хатшылығы атынан жыл сайын 27 қыркүйекте атап өтілетін Әзербайжан Республикасының Еске алу күніне орай Әзербайжанның аумақтық тұтастығы мен егемендігі жолында өмірін қиған шейіттердің қасиетті рухына зор құрметпен тағзым етеміз.
Бұл қастерлі күн 2020 жылғы 44 күндік Отан соғысы кезінде асқан ерлік пен жанқиярлық танытып, Әзербайжанның аумақтық тұтастығы мен егемендігі жолында өмірін құрбан еткен Отан перзенттеріне деген Әзербайжан халқының терең құрметі мен ризашылығын білдіреді.
Халықтың бірлігі, Жеңімпаз Жоғарғы Бас Қолбасшы, Президент Ильхам Әлиевтің берік саяси ерік-жігері мен табанды басшылығы, сондай-ақ Әзербайжан армиясының ерлігі мен жанқиярлығының арқасында қол жеткізілген тарихи Жеңіс Әзербайжанның мемлекеттілік тарихына әділет пен ұлттық намыстың салтанаты ретінде мәңгілікке жазылды.
Шейіттеріміздің рухы шат болсын.
Елші Рамиль Гасан
ТҮРКПА Бас хатшысы
