ТҮРКПАнын түзүлгөндүгүнүн 15 жылдыгы

Мындан 15 жыл мурун Азербайжан, Казакстан, Кыргызстан жана Түркия парламенттеринин башчылары 2008-жылдын 21-ноябрында кол койгон Стамбул келишиминин негизинде түзүлгөн ТҮРКПА 15 жыл ичинде эволюциянын жана өнүгүүнүн өзгөчө жолун басып өттү. Акыркы 15 жылдын ичинде Уюмдун ишмердүүлүгү мезгилдин талабына жана анын жогорулаган милдеттерине ылайык ар кандай кооперативдик механизмдерди жана форматтарды киргизүү менен бара-бара кеңейип, андан ары байыды. Бүгүнкү күндө ТҮРКПА түрк кызматташтыгынын парламенттик өлчөмү катары парламенттер аралык уюмдардын арасында белгилүү болгон түрк мамлекеттердин парламенттеринин функционалдык жана эффективдүү өз ара аракеттенүү мейкиндиги болуп саналат. ТҮРКПАнын жетишкендиктеринин пайдубалында, албетте, урматтуу парламент башчыларынын жетекчилиги астында биздин парламентарийлердин күжүрмөн эмгеги турат. Бул контекстте биздин мамлекеттердин ТҮРКПАнын ишмердүүлүгүнө мындан аркы колдоо көрсөтүүсү Уюмду дагы да бийик деңгээлге көтөрөрүнө ишенебиз. Бүгүнкү күндө Түрк дүйнөсүнүн биримдиги жана ынтымагы күчөп, кызматташтык активдешип бара жатат. Мамлекет башчыларынын түрк кызматташтыгы боюнча кажыбас эрки жана чечкиндүүлүгү бизди жаңы жетишкендиктерге жана ийгиликтерге карай дагы да талыкпай иштөөгө шыктандырат жана ТҮРКПА 15 жылдык позитивдүү тажрыйба жана кызматташууга чечкиндүүлүк менен өзүнүн жооптуу милдетин татыктуу аткарууну улантат.