ТҮРКПАнын Башкы катчысынын Эл аралык Түрк маданияты уюмунун (ТҮРКСОЙ) негизделген күнүнө карата куттуктоо кайрылуусу
Дата
Көрүү
14
12-июлда түрк дүйнөсү Эл аралык Түрк маданияты уюмунун (ТҮРКСОЙ) негизделген күнүн белгилейт. Бул кадыр-барктуу уюм түрк элдеринин орток маданий мурасын сактоого жана жайылтууга, ошондой эле түрк мамлекеттердин ортосундагы маданий кызматташтыкты чыңдоого багытталган.
ТҮРКСОЙ негизделген күнүнөн тартып маданияттар аралык диалогду өнүктүрүүгө, түрк дүйнөсүнүн бай маданий мурасын сактоого жана көптөгөн маданий жана гуманитардык демилгелер аркылуу тилектештикти бекемдөөгө олуттуу салым кошуп келет. Уюмдун ишмердүүлүгү түрк элдерин бириктирген орток баалуулуктарды, салттарды жана жалпы өздүгүн чыңдоодо маанилүү роль ойнойт.
Ушул маанилүү датага байланыштуу ТҮРКСОЙдун жетекчилигин, Катчылыгын жана жалпы жамаатын чын жүрөктөн куттуктайм. Уюмга өзүнүн асыл миссиясын ийгиликтүү ишке ашырууда мындан аркы ийгиликтерди каалап, ТҮРКПА менен ТҮРКСОЙдун ортосундагы жемиштүү кызматташтык мындан ары да түрк дүйнөсүнүн жыргалчылыгы үчүн бекемделип, өнүгө берет деген ишенимимди билдирем.
Элчи Рамиль Хасан
ТҮРКПАнын Башкы катчысы
