Түрк мамлекеттердин Парламенттик Ассамблеясынын Катчылыгынын Азербайжандын Карабак аймагындагы антитеррордук чараларына байланыштуу билдирүүсү

Түрк мамлекеттердин Парламенттик Ассамблеясынын (ТҮРКПА) Катчылыгы Азербайжандын Карабак аймагында мыйзамсыз жайгаштырылган Армениянын куралдуу күчтөрүнүн Азербайжан тарабынан жергиликтүү антитеррордук чараларды баштоосуна алып келген соңку чагымчылдык жана террордук актыларын айыптайт. Тилекке каршы, анын Карабак аймагында Азербайжанга каршы жасалган провокациялар жана террордук актылар Азербайжандын карапайым калкынын жана аскер кызматкерлеринин набыт болушуна алып келди жана Азербайжан менен Армениянын ортосундагы нормалдашуу процессине доо кетирди. ТҮРКПА Катчылыгы боордош Азербайжандын эгемендигине жана аймактык бүтүндүгүнө болгон эң күчтүү колдоосун кайталап, Азербайжан тарабынан 2023-жылдын 19-20-сентябрында жүргүзүлгөн жергиликтүү антитеррордук чаралар аймактагы тынчтыкты жана коопсуздукту, ошондой эле Карабак аймагында жашаган армян тургундарынын Азербайжан Республикасынын конституциялык чектерине реинтеграциясын камсыздашына бекем ишенимин билдирет. ТҮРКПА Катчылыгы провокациянын натыйжасында адамдардын курман болгондугуна байланыштуу шейиттердин үй-бүлөлөрүнө жана боордош Азербайжан элине терең кайгыруу менен көңүл айтат.