ТҮРКПАнын делегациясы КДЭКПАнын 67-пленардык жыйынына катышты

2026-жылдын 29-июнунан 1-июлуна чейин ТҮРКПАнын Башкы катчысы, Элчи Рамиль Хасандын жетекчилигиндеги ТҮРКПАнын делегациясы Грузиянын Парламентинин төрагалыгы алдында өткөрүлүп жаткан Кара деңиз экономикалык кызматташтык боюнча парламенттик ассамблеясынын (КДЭКПА) 67-пленардык жыйынына байкоочу макамында катышууда.

Иш сапардын алкагында делегациянын пленардык жыйындын ишине катышуусу, эки тараптуу жолугушууларды өткөрүүсү, ошондой эле ТҮРКПАнын Башкы катчысынын атайын билдирүүсү менен чыгып сүйлөөсү пландаштырылган.

Иш сапардын жүрүшүндө Башкы катчыны ТҮРКПАнын Башкы катчысынын орун басары Мухаммет Алпер Хаяли, ошондой эле ТҮРКПАнын Эл аралык катчылыгынын кызматкерлери Аласгар Агаев жана Орхан Салманов коштоп жүрүшөт.