ТҮРКПА 9-Невский экологиялык конгресске катышты

2021-жылы 28-29-майда ТҮРКПА Айлана-чөйрө жана табигый ресурстар комиссиясынын Төрагасынын орун басары, Түркия Улуу Улуттук Жыйынынын депутаты Режеп Шекер мырза башкарган ТҮРКПА делегациясы Санкт-Петербург шаарында өткөн 9-Невский эл аралык экологиялык конгресске катышты. “Планетанын экологиясы: туруктуу өнүгүү” аттуу Конгресс КМШ Парламенттер аралык ассамблеясы, Россия Федералдык Жыйынынын Федерация Кеңеши жана Россия Федерациясынын Табигый ресурстар жана айлана-чөйрө министрлиги биргелешип уюштурулган. Конгресске депутаттар, министрлер, эл аралык жана өкмөт уюмдардын, түрдүү институттардын, бизнес жана академиялык коомдордун өкүлдөрү жана эксперттери катышышты. Эки күндүк иш-чаранын алкагында глобалдык экологиялык күн тартибинин түрдүү маселелери боюнча тегерек столдор жана пленардык жыйын өттү, анын ичинде жаратылыш ресурстарын жана биологиялык ар түрдүүлүктү коргоо, климат саясаты, жашыл энергия, айлана-чөйрөнү коргоо жана туруктуу суу объектилерин өнүктүрүү үчүн улуттук долбоорлорду иштеп чыгуу маселелер талкууланды. ТҮРКПА делегациясынын башчысы Шекер мырза тегерек столдун учурунда “Айлана-чөйрөнүн коопсуздугу. Бүгүнкү чакырыктар жана чечимдер” жөнүндө сөз сүйлөдү. Ал ТҮРКПА Айлана-чөйрө жана табигый ресурстар комиссиясынын алкагында экологиялык коопсуздукту сактоо жана башкаруу иш-чаралары жөнүндө маалымдады. Айлана-чөйрө чакырыктарга жооп берүү үчүн бириктешкен аракеттерди баса белгилеп, Шекер мырза түрдүү эл аралык уюмдары менен кызматташууга Комиссиянын даярдыгын билдирди. 28-майда ТҮРКПА делегациясы Конгресстин пленардык сессиясына катышты. Федералдык Жыйынынын Федерация Кеңешинин Төрайымы Валентина Матвиенко сессиянын ачылышында сөз сүйлөп иш-чараны мүчө өлкөлөрдүн парламенттеринин башчылары жана министрлери улантышты.