Бакуда өткөн “ТКТР- Маданият жана таанытуу күндөрү” иш-чарасына байланыштуу кечки сый тамак берилди

2023-жылдын 12-октябрында Азербайжанга жасаган расмий иш сапарынын алкагында Түндүк Кипр Түрк Республикасынын (ТКТР) Президенти Эрсин Татар Бакуда өткөн "ТКТР Маданият жана таанытуу күндөрү" иш-чарасынын ачылыш аземине катышты. Салтанаттуу кечеге биринчи айым Сибел Татар, Түндүк Кипр Түрк Республикасынын Премьер-министри Үнал Үстел, вице-премьер-министр, ТКТРнын Туризм, маданият, жаштар жана экология министри Фикри Атаоглу, Азербайжан Республикасынын Диаспора менен иштөө боюнча мамлекеттик комитетинин Төрагасы Фуад Мурадов, Түркия Республикасынын Азербайжан Республикасындагы Элчиси Жахит Багжы, Түндүк Кипр Түрк Республикасынын Бакудагы өкүлү Уфук Турганер, парламентарийлер, илимий жана ишкердик чөйрөлөрдүн өкүлдөрү катышты. Салтанаттуу кечеге ТҮРКПАнын Башкы катчысы Мехмет Сүрейя Эр да катышты. Иш-чарада сөз сүйлөгөн Президент Эрсин Татар кипр түрктөрү түрк дүйнөсүнүн ажырагыс бөлүгү экенин баса белгиледи. Ал Азербайжан Республикасынын Президенти Илхам Алиевге өлкөлөр ортосундагы мамилелерди өнүктүрүүдөгү эрктүүлүгү үчүн ыраазычылык билдирди. Иш-чаранын алкагында Түндүк Кипр Түрк Республикасы тууралуу тасма көрсөтүлдү. Түндүк Кипр Түрк Республикасынын Президенти Эрсин Татар "ККТР - маданият жана таанытуу күндөрү" иш-чарасына катышуу жана бир катар жолугушууларды өткөрүү үчүн Азербайжанга келген. Бул Түндүк Кипр Түрк Республикасынын Президенти Эрсин Татардын Азербайжанга жасаган алгачкы расмий сапары. ТКТР Түрк мамлекеттер уюмунун жана ТҮРКПАнын иш-чараларына байкоочу катары катышып келет.