Әзербайжан Мемлекеттік медицина институтының Педиатрия факультетін және Баку Мемлекеттік университетінің Заң факультетін бітірген. Гарвард университетінде Қоғамдық денсаулық, әйелдер және билік жөніндегі Кеннеди бағдарламасын оқыды. Тарих ғылымдарының докторы.

1983-1991 жылдары Баку қаласындағы №19 балалар емханасының дәрігері, 1991-1998 жылдары №17 балалар емханасының Бас дәрігері. 1998-2000 жылдары Әзербайжан Республикасының Әйелдер мәселелері жөніндегі мемлекеттік комитеті төрағасының бірінші орынбасары болып жұмыс істеді.

«Жаңа Әзербайжан» партиясы Тексеру комиссиясының мүшесі, «Жаңа Әзербайжан» партиясы Насими аудандық филиалының төрайымы. Парламенттің екінші, үшінші, төртінші және бесінші шақырылымдарының депутаты болып сайланды. Әзербайжан Республикасы Милли Меджлисінің Еңбек және әлеуметтік саясат комитеті төрағасының орынбасары, Денсаулық сақтау комитетінің және Тәртіптік комиссиясының мүшесі. Әзербайжан-Сербия парламентаралық байланыстар жөніндегі жұмыс тобының жетекшісі, Америка Құрама Штаттары, Австрия, Беларусь, Иордания, Катар, Қырғызстан, Малайзия, Нидерланды, Өзбекстан, Түркия және Жапония парламенттерімен байланыс жөніндегі жұмыс топтарының мүшесі. НАТО ПА және Евронест ПА Милли Меджлистің ұлттық делегациясының мүшесі.