TÜRKPA-nın İqtisadi əməkdaşlıq komissiyasının səkizinci iclası

20 sentyabr 2021-ci il tarixində İqtisadi əməkdaşlıq komissiyasının 8-ci iclası virtual formatda baş tutmuşdur. İclasda Komissiya üzvləri və Katibliyin nümayəndələri iştirak etmişlər.

Komissiyanın sədri, Qazaxıstan Respublikası Parlamenti Məclisinin üzvü Amerxan Raximjanov iclasa sədrlik edib. Görüşün əsas mövzusu " "Yaşıl iqtisadiyyat", innovasiya və rəqəmsallaşma üçün qanunvericilik dəstəyi təcrübəsi" olmuşdur.

Komissiya üzvləri 27-28 sentyabr 2021-ci il tarixində, Qazaxıstanın Türküstan şəhərində keçiriləcək TÜRKPA-nın 10-cu plenar iclasına təqdim olunmaq üçün hazırlanan hesabat məruzəsi və tövsiyə qərarlarını, həmçinin Elektron kommersiya haqqında model qanun layyihəsini müzakirə etmiş və təsdiqləmişdir.