ТҮРКПА Бас хатшысының Түркі мемлекеттерінің ынтымақтастығы күніне және Түркі мемлекеттері ұйымының құрылғанына 17 жыл толуына орай мәлімдемесі
Дата
Көрүү
68
3 қазанда Түркі әлемі Түркі мемлекеттерінің ынтымақтастығы күнін және Түркі мемлекеттері ұйымының (ТМҰ) құрылуына негіз қалаған Нахчыван келісіміне қол қойылғанына 17 жыл толуын атап өтеді.
Өткен он жеті жыл ішінде Түркі мемлекеттері ұйымы 40-қа жуық саладағы ынтымақтастықты қамтитын жан-жақты платформаға айналып, түркі халықтарының тарихи, мәдени және бауырластық байланыстарын нақты ынтымақтастыққа, өзара ынтымақ пен ортақ дамуға ұластырды. Бұл елеулі жетістік мемлекет басшыларының көрегендігі мен көшбасшылығының, сондай-ақ мүше және бақылаушы мемлекеттердің табанды күш-жігерінің арқасында мүмкін болды.
Осы айтулы күнге орай Түркі мемлекеттерінің Парламенттік Ассамблеясының атынан және жеке өз атымнан мүше және бақылаушы мемлекеттердің халықтары мен үкіметтерін, сондай-ақ Түркі мемлекеттері ұйымының Хатшылығын шын жүректен құттықтаймын.
Ұйымға өзінің ізгі миссиясын жүзеге асыруда және Түркі мемлекеттері арасындағы бірлікті, ынтымақтастық пен ынтымақты одан әрі нығайтуда толағай табыстар тілеймін. ТҮРКПА мен ТМҰ арасындағы жемісті ынтымақтастық Түркі әлемінің игілігі жолында алдағы уақытта да тереңдеп, кеңейе беретініне кәміл сенемін.
Елші Рамиль Гасан
ТҮРКПА Бас хатшысы
