ХТММҚ Президенті ТҮРКПА Хатшылығына келді

2023 жылғы 5 желтоқсанда Халықаралық Түркі мәдениеті және мұрасы қорының (ХТММҚ) жаңадан тағайындалған Президенті Ақтоты Райымқұлова Бас хатшы Мехмет Сүрейя Эрға ізеттілік сапарымен келді. Бас хатшы Райымқұлова ханымды тағайындалуымен және қызметіне кірісуімен құттықтап, болашақ жұмысына табыс тіледі. Өз кезегінде Қор Президенті Бас хатшыға ерекше алғыс білдіріп, өзінің тағайындалуымен құттықтаған алғашқы адам екенін атап өтті. Кездесу барысында тараптар екі ұйым арасындағы ынтымақтастық туралы пікір алмасты. Ассамблеяның ағымдағы және болашақ қызметі туралы айта келе, Бас хатшы Түркі ынтымақтастығы ұйымдарының үйлестірілген жұмысының маңыздылығына тоқталды. Райымқұлова ханым Қор аясында жүзеге асырылып жатқан Түркі елдерінің мәдениеті мен мұрасына байланысты жобаларды айта кетіп, екі ұйым арасындағы ынтымақтастықты нығайтуға бағытталған өз ұсыныстары мен тілектерін білдірді. Ол мүше мемлекеттердің тиісті министрліктеріне ұсыну үшін әзірленіп жатқан Түркі елдерінің мәдениеті мен мұрасы саласындағы Конвенция туралы хабардар етті. Кездесу соңында фотосурет түсірілді.