Хатшылыққа Мажарстанның Мемлекеттік Жиналысы Төрағасының орынбасары келді

2024 жылғы 5 маусымда ТҮРКПА-ның Он үшінші Пленарлық отырысына қатысу үшін Бакуге келген Мажарстанның Мемлекеттік Жиналысы Төрағасының орынбасары Марта Матрай Хатшылықта болып, Бас хатшы Мехмет Сүрейя Эрмен кездесті. Бас хатшы Матрай ханымның Хатшылыққа алғаш рет келуіне орай қуанышын білдірді. Матрай ханым өз кезегінде Мажарстанның Мемлекеттік Жиналысының Төрағасы Ковер Ласло мырзаның сәлемін жеткізіп, жылы лебізін білдірді. Тараптар Мажарстан мен ТҮРКПА арасындағы ынтымақтастықты одан әрі нығайту жөнінде пікір алмасты.