Укуктук маселелер жана эл аралык байланыштар боюнча комиссия моделдик мыйзамды иштеп чыгуу боюнча Эксперттик топтун алгачкы отурумун өткөрдү

2024-жылдын 25-январында Укуктук маселелер жана эл аралык байланыштар боюнча комиссиянын алкагында "Жеке маалыматтарды коргоо жөнүндө" Моделдик мыйзамды иштеп чыгуу боюнча Эксперттик топтун алгачкы отуруму онлайн форматта өттү. ТүркПАнын 2023-2028-жылдарга карата стратегиялык жол картасына ылайык жана 2024-жылга карата иш-чаралар планынын алкагында Түркиянын Улуу Улуттук Жыйыны (ТУУЖ) моделдик мыйзамды даярдоо демилгесин көтөргөн. Жыйында Улуттук Парламенттин мыйзам чыгаруу боюнча эксперти Эржан Дурдулар моделдик мыйзамдын долбоорун сунуштады. Жыйынды Укуктук маселелер жана эл аралык байланыштар комиссиясынын катчысы Кадир Яман алып барды. Жыйынга мүчө мамлекеттердин парламенттик эксперттери, ТҮРКПА Катчылыгынын өкүлдөрү катышты. Катышуучулар документтин долбоору боюнча өз ойлорун ортого салышты. Эксперттер экинчи жыйынды 2024-жылдын 2-февралында өткөрүүнү макулдашышты.