Тынчтык жана эркиндик күнүн майрамдоонун алкагында жогорку деңгээлдеги жолугушуулар өткөрүлдү

2025-жылдын 19-июлунан 21-июлуна чейин Тынчтык жана эркиндик күнүн майрамдоо иш-чарасынын алкагында ТҮРКПАнын Башкы катчысы жетектеген делегацияны Түндүк Кипр Түрк Республикасынын (ТКТР) жогорку жетекчилиги кабыл алды. Делегацияны ТКТРнын Президенти Эрсин Татар, Жыйындын Төрагасы Зия Өзтүрклер, Премьер-министр Үнал Үстел жана Тышкы иштер министри Тахсин Эртугрулоглу кабыл алышты. Жолугушуунун жүрүшүндө Президент Эрсин Татар делегация менен жылуу учурашып, парламенттик жана маданий дипломатияны активдештирүү аркылуу Түрк дүйнөсү менен байланышты чыңдоонун маанилүүлүгүн белгиледи. Ал Кипрде тынчтыкты сактоо операциясынын 51 жылдыгын белгилөөнүн маанилүүлүгүн белгилеп, аралда түрк кипр элинин туруктуу болушун камсыз кылган бул тарыхый кийлигишүүнүн зор маанисин баса белгип өттү. Башкы катчы Мехмет Сүрейя Эр 20-июль — Тынчтык жана эркиндик күнүндө Түндүк Кипр Түрк Республикасында болуп жаткандыгына кубанычын билдирди. Түрк дүйнөсүнүн ажырагыс бөлүгү катары ТКТРсы Түрк мамлекеттердин Парламенттик Ассамблеясына байкоочу катары кошулганын баса белгилеп, Эр мырза муну маанилүү жетишкендик деп атады. Ал сөзүнүн соңунда Түндүк Кипр Түрк Республикасынын эл аралык деңгээлде таанылышына багытталган аракеттер ийгиликтүү болот деген үмүтүн билдирди. Жыйындын Төрагасы Зия Өзтүрклер менен болгон жолугушууда ТКТРсы менен Түрк дүйнөсүнүн ортосундагы мамилелер жана ТҮРКПАнын эл аралык аренадагы стратегиялык ролу тууралуу пикир алмашуу болду. Төрага ТҮРКПАны бир туугандык жана тилектештик платформасы катары мүнөздөп, ТКТРнын эл аралык деңгээлдеги көрүнүктүүлүгүн жана өкүлчүлүгүн жогорулатууга олуттуу салым кошуп жатканын баса белгиледи. Ал ошондой эле ТҮРКПАнын Пленардык отурумунун жүрүшүндө ТКТРсына берилип жаткан маани-маңызга токтолду. Жыйынтыктап жатып Өзтүрклер мырза Түрк мамлекеттердин ортосундагы кызматташтык тездик менен өсүп жана бекемделишине ишенимин билдирди. Премьер-министр Үнал Үстел 1974-жылдагы Тынчтык операциясы түрк кипр элинин эркиндигин камсыздаган тарыхый бурулуш болгонун баса белгилеп, бул багытта Түркиянын бекем колдоосу негизги роль ойногонун айтты. Ал ТКТРнын Түрк мамлекеттер уюмуна жана ТҮРКПАга байкоочу макамда кошулушу Түрк дүйнөсү менен терең кызматташтыкка карай маанилүү кадам экенин белгилеп, саясий жана маданий тилектештик барган сайын бекемделип жатканын айтты. Тышкы иштер министри Тахсин Эртугрулоглу менен болгон жолугушууда ТҮРКПАнын Пленардык жыйынында да белгиленген Кипрге көрсөтүлгөн колдоонун маанилүүлүгү талкууланды. Министр ТКТР түрк кипр эли татыктуу болгон эл аралык таанылууга жетүү үчүн аракеттерин улантып жатканын билдирди. Бул багытта ал өзгөчө Түркия менен Азербайжандын көрсөтүп жаткан колдоосунун маанисин баса белгиледи. Башкы катчы Мехмет Сүрейя Эрди ТҮРКПА Катчылыгынын кызматкерлери Фуркан Билал Акъюз жана Эмин Салманов коштоп жүрүштү.