ТҮРКПАнын Башкы катчысынын ТМУнун Будапешт кеңсесинин аткаруучу директору менен жолугушуусу

2025-жылдын 10-декабрында Башкы катчы Элчи Рамил Хасан баштаган ТҮРКПА делегациясы Мажарстандын Будапешт шаарындагы расмий сапардын алкагында Түрк Мамлекеттер Уюмунун (ТМУ) Будапешттеги кеңсесинин аткаруучу директору Элчи Балазс Хендрих менен жолугушту. Хендрих мырза ТҮРКПА делегациясын жылуу тосуп алып, келгендигине чын дилинен кубанычын билдирди. Мүчө өлкөлөрдүн мыйзам чыгаруу алкактарын шайкеш келтирүү менен биргелешкен кызматташтыктын маанисине басым жасап, ТҮРКПАнын координациясы алдында Түрк Мамлекеттер Уюмунун кабыл алган чечимдеринин улуттук парламенттерде ыкчам ратификацияланышынын өтө маанилүү ролун белгиледи. Ошондой эле Европа биримдигиндеги ТМУнун өкүлчүлүгүнүн макамына ээ болгон Мажарстан кеңсесинин мүмкүнчүлүктөрүн белгилөө менен, жакынкы келечекте, 2026-жумушчу жыл ичинде, ТҮРКПА менен Европа кеңсесинин биргелешкен координациясы жана өнөктөштүгүнүн алкагында конференцияларды, семинарларды жана панелдик дискуссияларды уюштуруу үчүн мүмкүнчүктү колдонууну баса белгиледи. Бул иш-чараларда Орто коридор демилгесинде жана Габала декларациясында чагылдырылган көптөгөн жалпы кызыкчылыктуу темалар каралмак деп билдирди. Аталган идеялар ТҮРКПАнын Башкы катчысы жана Элчи Балазс Хендрих тарабынан жактырылып, колдоого алынды. Ошондой эле мындай долбоорлорду алдыдагы иш-планга киргизүү маселеси талкууланды. Кыска мөөнөттүү стажировка программаларын ишке ашыруунун мааниси дагы белгиленди. Бул контекстте ТМУ Европа кеңсесинин дипломатиялык кызматкерлерине ТҮРКПАда стажировка өтүү мүмкүнчүлүгүн жана ТҮРКПАнын Эл аралык Катчылыгынын кызматкерлерине ТМУнун Мажарстан кеңсесинде алмашуу программаларына катышуу мүмкүнчүлүгүн камсыз кылуу боюнча максаттуу талкуулар өткөрүлдү. Эки тарап өз ара кызматташтыктын тездик менен өнүгүп жана анын жаңы баскычка өтүшү боордош өлкөлөрдүн мамлекет башчылары тарабынан жактырылган саясий чечимдерди, декларацияларды жана жалпы кызыкчылыктарды колдоо үчүн парламенттик деңгээлде ТҮРКПАнын, өкмөттөр аралык уюм катары ТМУ менен биригишине өбөлгө түзүшү керектигин баса белгилешти. Элчи Рамил Хасан кеңсеге болгон биринчи расмий сапары учурунда жылуу кабыл алгандыгы үчүн ыраазычылык билдирди. Түрк дүйнөсүнүн жалпы стратегиялык кызыкчылыктары кызматташтык үчүн жаңы перспективаларды ачарын баса белгилеп, бул потенциалды биргелешкен демилгелер аркылуу ишке ашыруунун маанилүүлүгүн баса белгиледи. Элчи Будапешт кеңсесине ТҮРКПАнын ишмердүүлүгүнө, атап айтканда, мүчө мамлекеттердин ортосундагы координациялоо механизмдеринин алкагында активдүү катышууну сунуштады. Ал Мажарстан делегация башчысы Аттила Тилки мырзанын ЕККУ Парламенттик Ассамблеясынын күзгү сессиясынын алкагында ноябрда Стамбулда өткөн Координациялык жыйынга катышканын баалоо менен белгиледи. Элчи Рамил Хасан ошондой эле Бакудагы ТҮРКПАнын Эл аралык Катчылыгына мындан аркы консультациялар жана кызматташтыкты кеңейтүү үчүн барууга чакыруу жасады. Элчи Балазс Хендрих жолугушуудан кубаныч алып, Будапешттин кеңсеси бардык Түрк мекемелерине ачык эшик мамилесин жүргүзөрүн баса белгиледи. Ал "Түрк дүйнөсүнүн 2040-жылга карата көз карашынын" узак мөөнөттүү максаттарына жетүү үчүн тыгыз кызматташуу маанилүү экендигин баса белгилеп, Түрк Мамлекеттер Уюму күн сайын динамикалуу өнүгүп жаткандыгын белгиледи. Чоң демилгелердин үстүндө иштеген жогорку квалификациялуу адистердин курчоосунда, ал кеңсени Европадагы жалпы үй катары кароого үндөдү, кеңсенин Мажарстан Тышкы иштер министрлиги жана премьер-министри тарабынан толук колдоого алынганын белгиледи. Хендрих мырза конкреттүү иш-аракеттерге багытталган пландар жана демилгелер парламенттин активдүү катышуусун талап кылып, мүчө мамлекеттердин ортосундагы энергетикалык кызматташтык сыяктуу көптөгөн стратегиялык маселелер табигый түрдө ТҮРКПА менен кызматташууга алып келерин моюнга алды. Ал бардык мүчө мамлекеттер энергия секторунда маанилүү артыкчылыктарга ээ экендигин белгиледи жана приоритеттүү багыттарга көңүл буруунун маанисин баса айтты. Мындан тышкары, ал алмашуу программалары жана эл аралык байланыштардын маанисин белгилеп, булар институттук мүмкүнчүлүктү күчтөндүрүп, Европа Биримдигинин иштөө чөйрөсүн тереңирээк түшүнүүгө жардам берерин кошумчалады. Элчи Хендрих ТҮРКПАнын комиссияларынын ишмердүүлүгүнө байкоо салууга кубанычта болушарын кошумчалады жана негизги долбоорлор боюнча биргелешип иш алып барган тектеш уюмдардын ортосундагы синергия өсүп жатканын кубаттады. Жыйынтыктап жатып, сапары үчүн ыраазычылыгын билдирди. Жолугушууга Башкы катчыны орун басарлары Талгат Адуов мырза, Мухаммет Алпер Хаяли мырза, Комиссиянын катчысы Айнура Абуталибова айым жана протокол башчысы Ядигар Маммадов коштоп барышты. Жолугушууга ТМУнун Будапешттеги өкүлчүлүгүнүн долбоор координатору Али Кылычарслан мырза да катышты.