ТҮРКПАнын Башкы катчысынын орун басары АӨИЧК тарабынан уюштурулган тегерек столго катышты

2026-жылдын 17-июнунда Астана шаарында ТҮРКПАнын Башкы катчысынын орун басары Талгат Адуов мырза Азиядагы өз ара аракеттенүү жана ишеним чаралары боюнча кеңешме (АӨИЧК) тарабынан уюштурулган «Коопсуз жана өз ара байланышкан Азия үчүн синергияны күчөтүү» темасындагы Азиядагы аймактык уюмдардын аткаруу түзүмдөрүнүн жетекчилеринин тегерек столуна катышты. Иш-чара АӨИЧК Катчылыгынын түзүлгөндүгүнүн 20 жылдыгына арналды.

Жогорку деңгээлдеги тегерек столго аймактык уюмдардын катчылыктарынын жана аткаруу түзүмдөрүнүн жетекчилери, Бириккен Улуттар Уюмунун өкүлдөрү, ошондой эле АӨИЧКга мүчө мамлекеттердин аналитикалык борборлорунун эксперттери катышты. Талкуулардын жүрүшүндө көп тараптуу кызматташтыктын алдында турган чакырыктар, БУУнун глобалдык жана аймактык деңгээлдердеги өз ара байланышы, ошондой эле аймактык аткаруу түзүмдөрүнүн өзгөрүп жаткан артыкчылыктуу багыттары каралды.

Үчүнчү сессияда сөз сүйлөгөн Талгат Адуов мырза ТҮРКПАнын институционалдык артыкчылыктарын жана өз мандатын ишке ашыруудагы практикалык ыкмаларын тааныштырып, уюмдун түрк мамлекеттердин ортосунда парламенттер аралык кызматташтыкты, жалпы баалуулуктарды жана интеграцияны өнүктүрүүдөгү ролун белгиледи. Ал ТҮРКПА менен АӨИЧК ортосунда үзүрлүү кызматташтык мамилелери калыптанып келгенин, жалпы кызыкчылык жараткан багыттар боюнча пикир алмашуу жүргүзүлүп жатканын жана аймакта көп тараптуулук духун чыңдоого багытталган аракеттерди өз ара колдоп келгенин белгиледи.

Сапардын жүрүшүндө Талгат Адуов мырзаны ТҮРКПАнын комиссиясынын катчысы жана Аял-парламентарийлер тобунун жооптуу катчысы Айнура Абуталибова айым коштоп жүрдү.