ТҮРКПАнын Башкы катчысы Түркия Республикасынын Улуу Улуттук Жыйынынын Төрагасы, профессор, доктор Улуу Мартабалуу Нуман Куртулмуш менен жолугушту

2026-жылдын 16-июнунда Түркия Республикасына жасаган расмий иш сапарынын алкагында ТҮРКПАнын Башкы катчысы, Элчи Рамиль Хасан Түркия Республикасынын Улуу Улуттук Жыйынынын Төрагасы, профессор, доктор Улуу Мартабалуу Нуман Куртулмуш менен жолугушту.

ТҮРК мамлекеттер уюмунун негиздөөчү мамлекеттеринин бири болгон Түркия Республикасынын Стамбул шаарындагы Долмабахче сарайында 2008-жылдын 21-ноябрында кол коюлган ТҮРКПАны түзүү жөнүндө Макулдашуунун тарыхый маанисин белгилөө менен, ТҮРКПАнын Башкы катчысы, Элчи Рамиль Хасан Ассамблея көп жылдан бери өз ишмердүүлүгүн ийгиликтүү жүргүзүп келе жатканын жана түрк мамлекеттеринин ортосундагы парламенттер аралык кызматташтык сапаттык жактан жаңы өнүгүү баскычына чыкканын белгиледи.

Ал ошондой эле ТҮРКПА бир тууган мамлекеттердин мыйзам чыгаруучу органдарынын ортосундагы кызматташтыкты чыңдоодо, үлгүлүү мыйзамдарды иштеп чыгууда жана кабыл алууда, ошондой эле түрк мамлекеттеринин башчылары тарабынан кабыл алынган тарыхый чечимдердин улуттук парламенттер тарабынан ыкчам ратификацияланышына көмөк көрсөтүүдө саясий жана стратегиялык мааниге ээ болгон бир катар процесстерде маанилүү роль ойноп жатканын жана мындан ары да ойной аларын баса белгиледи.

Ушуга байланыштуу Түркия Республикасынын Улуу Улуттук Жыйынынын Төрагасына парламенттер аралык кызматташтыкты мындан ары чыңдоого жана ТҮРКПАнын ишмердүүлүгүнүн натыйжалуулугун жогорулатууга багытталган бир катар сунуштар сунушталды.

Өз кезегинде Түркия Республикасынын Улуу Улуттук Жыйынынын Төрагасы, профессор, доктор Нуман Куртулмуш Башкы катчынын ишмердүүлүгүнө жогору баа берип, акыркы он айдын ичинде аткарылган иштерди оң баалады. Ал алдыдагы демилгелер бир тууган мамлекеттердин ортосундагы стратегиялык кызматташтыкты жаңы деңгээлге көтөрүүгө өбөлгө түзөрүнө жана түрк мамлекеттеринин ортосунда жалпы парламенттик платформаны өнүктүрүүнүн кезектеги баскычы болоруна ишеним билдирди.

Ошондой эле ал Түркия Республикасынын Улуу Улуттук Жыйыны мындан ары да ТҮРКПАнын ишмердүүлүгүн ар тараптуу колдоону улантарын дагы бир жолу ырастады.

Иш сапардын жүрүшүндө Башкы катчыны ТҮРКПАнын Башкы катчысынын орун басары Мухаммет Алпер Хаяли коштоп жүрдү.