ТҮРКПАнын Башкы катчысы Түрк маданияты жана мурасы фондуна барды

2026-жылдын 4-февралында Түрк мамлекеттердин Парламенттик Ассамблеясынын (ТҮРКПА) Башкы катчысы Элчи Рамил Хасан Түрк маданияты жана мурасы фондунун Президенти Актоты Раимкуловага сылык иш-сапары менен барды. Жолугушуунун жүрүшүндө Түрк маданияты жана мурасы фондунун Президенти Актоты Райымкулова Рамил Хасанды ТҮРКПАнын Башкы катчысы болуп дайындалганы менен жылуу куттуктады жана фонддо ТҮРКПАнын делегациясын кабыл алуудан чоң кубанычта экендигин билдирди. Жолугушууда эки уюмдун ортосундагы кызматташтыктын учурдагы абалы, биргелешкен демилгелерди ишке ашыруунун перспективалары, ошондой эле институционалдык негизде өз ара диалогду андан ары бекемдөө жолдору жөнүндө кеңири пикир алмашуу болду. Түрк дүйнөсүнүн жалпы тарыхый жана маданий мурасын сактоого жана эл аралык деңгээлде жайылтууга багытталган координацияланган аракеттердин маанилүүлүгүнө өзгөчө басым жасалды. Бул контекстте Түрк маданияты жана мурасы фонду жана ТҮРКПА эки бир тууган жана бири-бирин толуктоочу институттар экендиги баса белгиленди. Талкуу ошондой эле маданий мурасты жайылтуу жана келечектеги биргелешкен долбоорлордун алкагында кызматташтыкты тереңдетүү мүмкүнчүлүктөрүнө да токтолду. Жолугушууга ТҮРКПАнын Башкы катчысынын орун басарлары Талгат Адуов жана Сакы Садыков катышты.