ТҮРКПАнын Башкы катчысы Азербайжан жана Түркиянын элчилери менен Вильнюста жолугушту

Түрк мамлекеттеринин Парламенттик Ассамблеясынын (ТҮРКПА) Башкы катчысы Рамил Хасан Азербайжан Республикасынын Өзгөчө жана Ыйгарым Укуктуу Элчиси Тамерлан Гараев жана Түркия Республикасынын Өзгөчө жана Ыйгарым Укуктуу Элчиси Эсра Топлу менен Вильнюска болгон расмий сапарынын алкагында Литвадагы аккредиттелген дипломатиялык өкүлчүлүктөрүндө жолугушту.

Эки жолугушуунун жүрүшүндө тең ТҮРКПАнын Башкы катчысы Азербайжан жана Түркиянын элчилерине "тТүрк Мамлекеттер Уюму аркылуу кызматташтыкты жана байланыштарды чыңдоо – Түрк мамлекеттери менен Балтика аймагынын ортосундагы алакаларды жакындатуу мүмкүнчүлүктөрү" аталышындагы эл аралык панелдик талкууну баштоодо жана уюштурууда ар тараптуу колдоосу үчүн ыраазычылыгын билдирди. Ал мындай кызматташтык иш-аракеттери Европа өлкөлөрүндө жалпы кызыкчылыктарды кеңири жайылтуу жана өз ара кызыкчылыктарды камсыз кылуу үчүн маанилүү экенин баса белгиледи.

Элчилер өз кезегинде ТҮРКПАнын Башкы катчысына ыраазычылыгын билдирип, келечектеги аракеттерге ийгиликтерди кааларын билдиришти.

Азербайжан Республикасынын Литвадагы Элчилигинде өткөн жолугушууга ТҮРКПАнын Укуктук маселелер жана эл аралык байланыштар боюнча комиссиясынын жана Азербайжан Республикасынын Милли Межлисинин мүчөсү Жаваншир Фейзиев, Литвадагы Түркия Республикасынын Элчилигинде өткөн жолугушууга Түрк Мамлекеттер Уюмунун Башкы катчысынын орун басары Өмер Кожаман да катышты.

Башкы катчыны протокол кызматынын башчысы Ядигар Маммадов коштоду.